საქართველოს საერთაშორისო უნივერსიტეტი ჯიუ აცხადებს განაცხადების მიღებას ყოველწლიურ საერთაშორისო ,,სტუდენტური კონფერენცია 2025”-ზე.

კონფერენციის ძირითადი მიზნები:

• ახალგაზრდა მკვლევართა მოტივაციის ამაღლება და მათი წახალისება სამეცნიერო-კვლევით საქმიანობაში აქტიური ჩართულობისთვის;
• მონაწილეთა კვალიფიკაციის გაუმჯობესება აკადემიური კონფერენციებისთვის მოსამზადებლად, მათ შორის, სამეცნიერო კვლევისა და პრეზენტაციის უნარების განვითარება;
• დამოუკიდებელი კვლევის წარმოებისა და მიღებული შედეგების სტრუქტურირებული პრეზენტაციისა და მეცნიერული დაცვის კომპეტენციის ჩამოყალიბება.

კონფერენციის ფორმატი და ორგანიზაცია:
კონფერენცია გაიმართება 2025 წლის 29 მაისს..

კონფერენციის მონაწილეებს მოეთხოვებათ მოხსენების გეგმის (Abstract) წარმოდგენა 2025 წლის 7 მაისამდე. რეზიუმეს სრული ვერსია უნდა გაიგზავნოს ელექტრონულ მისამართზე research@giu.edu.ge არაუგვიანეს 14 მაისისა.

ნაშრომი შესაძლებელია მომზადდეს ქართულად და/ან ინგლისურად, ხოლო თითოეული ენისთვის ტექსტის მთლიანი მოცულობა არ უნდა აღემატებოდეს 250 სიტყვას (იხ. განაცხადის ფორმა).

მონაწილეთა შერჩევისა და შეფასების პროცესი:

კონფერენციაზე წარმოდგენილი ნაშრომების შერჩევას განახორციელებს სპეციალური აკადემიური კომისია, რომელიც დაკომპლექტდება შესაბამისი სკოლების პროფესორების, ასევე სამაგისტრო და სადოქტორო პროგრამების სტუდენტებისგან.

კომისიის ძირითადი ამოცანაა რეზიუმეების შეფასება კონფერენციის თემატურობასა და მეცნიერული თვითმყოფადობის კრიტერიუმებთან შესაბამისობის საფუძველზე.

კონფერენციის დეტალური პროგრამა, მათ შორის, სექციების განრიგი და ლოკაციის განაწილება, ოფიციალურად გამოქვეყნდება 17-18 მაისს.

გამორჩეული ნაშრომების გამოქვეყნება:

მოხსენებები, რომლებიც გამოირჩევა აკადემიური ღირებულებითა და კონფერენციის ფარგლებში განსაკუთრებულად დადებით შეფასებას მიიღებს, დაიბეჭდება უნივერსიტეტის ყოველწლიურ სამეცნიერო ჟურნალში,

სტუდენტური სამეცნიერო კონფერენციის მონაწილეობისა და მოხსენების წარმოდგენის სტანდარტები, მოხსენების ტექნიკური პარამეტრები და ფორმატი

კონფერენციის თითოეული მომხსენებლისთვის ჯამურად განკუთვნილია 20 წუთი, რაც განაწილდება შემდეგნაირად:

• 10 წუთი – მოხსენების წარდგენა;
• 5 წუთი – რეცენზიის განხილვა;
• 5 წუთი – დისკუსია და შეკითხვებზე პასუხები.

შესაბამისად, მოხსენების რეკომენდებული მოცულობა არ უნდა აღემატებოდეს 5 გვერდს (A4 ფორმატის ფურცელი) და უნდა იყოს შესრულებული შემდეგი სტანდარტების მიხედვით:

• შრიფტი: ქართული ტექსტი – Sylfaen (უნიკოდი), ინგლისური ტექსტი – Times New Roman;
• შრიფტის ზომა: ძირითადი ტექსტი – 12 pt, სქოლიო – 10 pt;
• სტრიქონებს შორის დაშორება: 1.5 ინტერვალი;
• გვერდის მარჟები: მარცხნივ – 3 სმ, მარჯვნივ – 1.5 სმ, ზემოთ და ქვემოთ – 2.5 სმ.

მოხსენების ვიზუალური აღქმის გაუმჯობესებისთვის მომხსენებლებს შეუძლიათ გამოიყენონ პრეზენტაციის დამხმარე საშუალებები, როგორიცაა PowerPoint პრეზენტაცია, თემატური პლაკატები, ან გაფართოებული გეგმა (Handout).

მოხსენების შინაარსობრივი სტრუქტურა

ნაშრომი უნდა მოიცავდეს შემდეგ ძირითად კომპონენტებს:

• შესავალი – თემის აქტუალობა, კვლევითი მიზნები და ჰიპოთეზები;
• ძირითადი ნაწილი – თეორიული და პრაქტიკული ანალიზი;
• დასკვნები – კვლევის შედეგების შეჯამება და სამომავლო პერსპექტივები;
• აკადემიური წყაროების სია – შესაბამისი ციტირების სტანდარტით (ჩიკაგოს სტილი).

მოხსენების მოცულობითი სტანდარტები:

• მოხსენების სათაური და აბსტრაქტი (ქართულ და/ან ინგლისურ ენებზე) არ უნდა აღემატებოდეს 2 გვერდს;
• სრული მოხსენების მოცულობა უნდა იყოს არანაკლებ 7 და არაუმეტეს 10 გვერდისა;
• ანოტაციის მოცულობა (ქართულ და ინგლისურ ენებზე) არ უნდა აღემატებოდეს 250 სიტყვას.

მონაწილეობის რეგისტრაცია და საკონფერენციო პროცესის ორგანიზაცია:

• განაცხადების მიღების ბოლო ვადა: 2025 წლის 14 მაისი;
• აბსტრაქტებისა და სრული მოხსენებების გაგზავნა შესაძლებელია მხოლოდ ელექტრონულად შემდეგ მისამართზე: research@giu.edu.ge;
• მონაწილეთა შერჩევის შედეგების გამოცხადება: 2025 წლის 17 მაისი.

კონფერენციის თემატური მიმართულებები:

კონფერენცია მოიცავს შემდეგ მეცნიერებით დიფერენცირებულ პანელებს:

• სამართალი;
• სოციალური მეცნიერებები, ჰუმანიტარული მეცნიერებები, განათლების მეცნიერებები;
• ბიზნესი და ეკონომიკა, ინფორმაციული ტექნოლოგიები, ტურიზმი.

კონფერენციის სამუშაო ენები და ფორმატი:

• კონფერენციის სამუშაო ენები: ქართული და ინგლისური;
• ფორმატი: ოფლაინ/ონლაინ/ჰიბრიდული;
• კონფერენციის დაწყების დრო და ადგილი: 2025 წლის 29 მაისი, 12:00 საათი, საქართველოს საერთაშორისო უნივერსიტეტის კამპუსი;

მისამართი: საქართველო, 0101, თბილისი, სამღერეთის ქ. N5.

მონაწილეობის დადასტურება და გამოქვეყნების შესაძლებლობა:

ყველა მონაწილეს გადაეცემა ორენოვანი სერტიფიკატი;

კონფერენციის პროგრამა და შერჩეული თეზისები გამოქვეყნდება უნივერსიტეტის ვებგვერდზე: www.giu.edu.ge;

გამორჩეული ნაშრომები დაიბეჭდება უნივერსიტეტის სამეცნიერო ჟურნალში.

მოხსენებების შეფასების კრიტერიუმები:

კომისია მოხსენებებს განიხილავს შემდეგი პარამეტრების მიხედვით:

1. დარგობრივი ცოდნა – რამდენად მკაფიოდ და სისტემურად არის წარმოდგენილი სამეცნიერო მასალა;
2. არგუმენტაციის უნარი – მსჯელობისა და დასაბუთების სიღრმე და ლოგიკურობა;
3. სტრუქტურული ორგანიზაცია – სამეცნიერო ნაშრომის აგებულების სტანდარტების დაცვა (შესავალი, დასკვნა, ბიბლიოგრაფია);
4. ენობრივი და სტილისტური სიზუსტე – ტექსტის აკადემიური წერის სტანდარტებთან შესაბამისობა.

რეგისტრაციისთვის და განაცხადის ფორმის შესავსებად გადადით ბმულზე: [ბმული]

დამატებითი კითხვების შემთხვევაში, მიმართეთ კვლევების ხელშეწყობის ცენტრს: research@giu.edu.ge