დიმიტრი შაშკინის თქმით, სამინისტრო ყოველთვის მიესალმება და მომავალშიც მხარს დაუჭერს სასწავლო დაწესებულებათა ინიციატივას.
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
განცხადებები
ახალი ამბები
ახალი ამბები
განათლების მინისტრმა უნივერსიტეტის ბიბლიოთეკა და პრაქტიკული ლაბორატორიები გახსნა
14 ივნისი 2011
2011 წლის 14 ივნისს გურამ თავართქილაძის სასწავლო უნივერსიტეტში ბიბლიოთეკის ახალი კორპუსი, კრიმინალისტიკისა და ტელე-რადიო ლაბორატორიები გაიხსნა.
უმაღლეს სასწავლებელში ბიბლიოთეკა მისი დაარსების დღიდან ფუნქციონირებდა, მაგრამ უნივერსიტეტის მესვეურებმა იზრუნეს და დღეს სტუდენტთათვის თანამედროვე მოთხოვნების შესაბამისი, მყუდრო, ნათელი, მოხერხებული, უახლესი ტექნოლოგიებით დაკომპლექტებული სამკითხველო თუ საკონფერენციო დარბაზით, თავისუფალი ინტერნეტითა და კომპიუტერებით აღჭურვილი ბიბლიოთეკის ახალი კორპუსი აშენდა.
ამ დღესთან დაკავშირებით უნივერსიტეტს განათლებისა და მეცნიერების მინისტრი
დიმიტრი შაშკინი ეწვია. მინისტრმა მოინახულა ბიბლიოთეკის ახალი შენობა, რომელიც თანამედროვე სტანდარტებით არის აგებული, დაათვალიერა სამკითხველო და საკონფერენციო დარბაზები. ბიბლიოთეკა ერთდროულად 1200 სტუდენტს მოემსახურება.
შემდეგ დიმიტრი შაშკინმა სამართლის ფაკულტეტის კრიმინალისტიკის ახალი ლაბორატორიაც დაათვალიერა, სადაც ახალგაზრდებს საშუალება ექნებათ, დაეუფლონ კრიმინალისტიკურ ტექნიკას.
ტელე–ლაბორატორიის სტუდიაში მომავალმა ჟურნალისტებმა მინისტრისგან პირველი იმპროვიზირებული ინტერვიუც ჩაწერეს.
დიმიტრი შაშკინმა აღნიშნა, რომ განათლების სამინისტრო ყოველთვის მიესალმება და მომავალშიც მხარს დაუჭერს სასწავლო დაწესებულებათა ინიციატივას - იზრუნონ არა მარტო სასწავლო პროგრამების სრულყოფაზე, არამედ შექმნან თანამედროვე და კომფორტული სასწავლო ინფრასტრუქტურა. ძალზე მნიშვნელოვანია საქართველოში, როგორც ევროპის წამყვან უნივერსიტეტებში, ასეთი ბიბლიოთეკისა და ლაბორატორიების არსებობა, სადაც ყველა პირობაა მაღალი დონის პროფესიონალად ჩამოყალიბებისათვის.