კურსდამთავრებულები და მეგობრები

ნოდარ ჯავახიშვილი

ნოდარ ჯავახიშვილი

ფარმსახლი,  კომერციული დირექტორი

 

2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.

ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.

გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე  მარკეტინგის ფაკულტეტი.

მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.

GTUNI   ის ადგილია, სადაც ყველა საშუალება გეძლევა, მიაღწიო დასახულ მიზანს.

გირჩევთ,  ბოლომდე იბრძოლოთ საკუთარი მიზნის მისაღწევად და ღირსეულად ატაროთ  ამ უნივერსიტეტის  სახელი.

ახალი ამბები

განათლების კვირეულზე „ექსპო ჯორჯიას“ პავილიონში

14 მარტი 2011

2011 წლის 5 მარტიდან 13 მარტის ჩათვლით საქართველოს განათლებისა და მეცნიერების სამინისტროსა და თბილისის მერიის ორგნიზებით „ექსპო ჯორჯიას“ მე-11 პავილიონში უმაღლესი განათლების, საზღვარგარეთ სწავლებისა და სტუდენტური სერვისების პირველი გამოფენა „საქართველოს განათლების კვირეული 2011“ ჩატარდა.

გურამ თავარქილაძის სასწავლო უნივერსიტეტი განათლების კვირეულის ერთ-ერთი მონაწილე იყო და მისი წარმომადგენლები, აბიტურიენტებსა და გამოფენაზე მოსულ დამთვალიერებლებს დაწვრილებით აცნობდნენ ახალ სასწავლო წელთან დაკავშირებულ ყველა სიახლეს.

გამოფენა საქართველოს განათლებისა და მეცნიერების მინისტრმა დიმიტრი შაშკინმა გახსნა. მინისტრი დაინტერესდა გურამ თავართქილაძის სასწავლო უნივერსიტეტით. ეწვია მის პავილიონს და დადებითად შეაფასა უნივერსიტეტის საქმიანობა.

გამოფენაში მონაწილეობენ როგორც კერძო, ასევე სახელმწიფო უმაღლესი და პროფესიული სასწავლებლები, საერთაშორისო და დონორი ორგანიზაციები.

გამოფენის ფარგლებში ჩატარდა გამოფენაში მონაწილე ორგანიზაციების საქმიანობის პრეზენტაციები და ღია კარის დღეები. აბიტურიენტებს, სტუდენტებს, მათ მშობლებსა და დაინტერესებულ პირებს საშუალება ჰქონდათ, პირადად გასაუბრებოდნენ სასწავლო დაწესებულებების წარმომადგენლებს, გაცნობოდნენ მათ შეთავაზებებს და მიეღოთ საჭირო პასუხები მათთვის მნიშვნელოვან კითხვებზე.
სხვა ამბები »