სახელმძღვანელო შექმნილია ცხრა უმაღლესი სასწავლებლის ცამეტი პროფესორის ავტორობით.
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
განცხადებები
ახალი ამბები
ახალი ამბები
ჟურნალისტიკის სახელმძღვანელოს პრეზენტაცია უნივერსიტეტში
2 დეკემბერი 2013
2013 წლის 29 ნოემბერს გურამ თავართქილაძის სასწავლო უნივერსიტეტში ქართულ-ფრანგული პროექტის ფარგლებში გამოცემული წიგნის - „ჟურნალისტიკა“ პრეზენტაცია გაიმართა.
სახელმძღვანელოს შექმნისა და გამოცემის იდეა თანამედროვე სასწავლო მასალის ქართულ ენაზე არსებობით იყო ნაკარნახევი.
სახელმძღვანელო შექმნილია ცხრა უმაღლესი სასწავლებლის ცამეტი პროფესორის, მათ შორის ერთი ფრანგი პროფესორის, ავტორობით, შედგება თერთმეტი თავისაგან და სამას გვერდზე მეტს ითვლის.
"პროექტი მოიცავს ჟურნალიზმის ყველა მნიშვნელოვან საკითხს, რომელიც კი წამოჭრილა დაფუძნებიდან მოყოლებული მისი განვითარების ყველა საფეხურზე", - აღნიშნავს ფრანგი პროფესორი ტერი კომი წიგნისთვის დართულ რეცენზიაში.
პრეზენტაცია სიტყვით გახსნა გურამ თავართქილაძის სასწავლო უნივერსიტეტის რექტორმა, პროფესორმა გიორგი მათიაშვილმა.
სახელმძღვანელოს შექმნის იდეისა და გაწეული სამუშაოების შესახებ ისაუბრა გურამ თავართქილაძის სასწავლო უნივერსიტეტის სოციალურ მეცნიერებათა ფაკულტეტის ჟურნალისტიკის კათედრის გამგემ, პროფესორმა მარინე ვეკუამ.
აზრი გამოთქვეს ფილოლოგიის დოქტორმა, საქართველოს საზოგადოებრივ საქმეთა ინსტიტუტის სოციალურ მეცნიერებათა სკოლის დეკანმა ნესტან ციციშვილმა; საზოგადოების კვლევის ცენტრის დირექტორმა, პროფესორმა მარინე მუსხელიშვილმა და ფილოსოფიის დოქტორმა ქეროლ ნევისმა, სმითსონის ინსტიტუტი, ვაშინგტონი, კოლუმბიის ოლქი, აშშ.
სახელმძღვანელოში საუბარია ჟურნალისტიკისათვის ისეთ მნიშვნელოვან თემებზე როგორიცაა მედია და ჟურნალისტიკა, მედია და საზოგადოება; სიტყვის თავისუფლების ასპექტები; ჟურნალისტიკა, როგორც სისტემა; საზოგადოებასთან ურთიერთობა და მედია; მედიასაშუალებები და გლობალიზაცია; მედიასაშუალებების ეკონომიკური მოდელები; ჟურნალისტიკა, როგორც პროფესია და სხვა.