2023 წლის 25 გვისტოს საქართველოს საერთაშორისო უნივერსიტეტმა კორეის რესპუბლიკის სუნგშინის ქალთა უნივერსიტეტთან შეთანხმება გააფორმა.

აღნიშნული შეთანხმება რამდენიმე მიმართულებით თანამშრომლობას გულისხმობს. .

ხელი მოეწერა ორ დოკუმენტს: ურთიერთთანამშრომლობის მემორანდუმსა და სტუდენტთა ურთიერთგაცვლის შესახებ შეთანხმებას.

თანამშრომლობის ფარგლებში საქართველოს საერთაშორისო უნივერსიტეტის სტუდენტებს ექნებათ შესაძლებლობა სუნგშინის ქალთა უნივერსიტეტში სწავლისთვის GKS სტიპენდიის მოპოვების, რაც სწავლისა და ხარჯების სრულ (100 %-იან) დაფინანსებას გულისხმობს.

მემორანდუმი ითვალისწინებს უნივერსიტეტებს შორის თანამშრომლობას:
- სხვადასხვა სასწავლო, კვლევითი, კულტურული და შემეცნებითი პროექტების ფარგლებში;
- უნივერსიტეტები შეძლებენ ადმინისტრაციული და აკადემიური პერსონალის გაცვლას.

შეთანხმების მიზანია ყოველწლიურად უნივერსიტეტებს შორის სტუდენტების გაცვლა სხვადასხვა სასწავლო პროგრამის ფარგლებში.

Sungshin Women’s University-ს თითქმის 100 წლის ისტორია აქვს, კორეის ერთ-ერთი წამყვანი უნივერსიტეტია, რომელსაც მინიჭებული აქვს ,,Excellent IEQAS University” სტატუსი და 2023 QS მსოფლიო უნივერსიტეტების რეიტინგში 591-600 ადგილი უკავია.

საქართველოს საერთაშორისო უნივერსიტეტში წარმატებით ისწავლება კორეული ენა. კორეულ მიმართულებას ხელმძღვანელობს კორეიდან მოწვეული ლექტორი - Milan Lee..

GIU-ს საბაკალავრო და სამაგისტრო პროგრამების სტუდენტებს შესაძლებლობა აქვთ აირჩიონ და ისწავლონ კორეული ენა დამატებითი საფასურის გარეშე.