კურსდამთავრებულები და მეგობრები
მარიამ კუტალია
საქართველოს სასჯელაღსრულების და პრობაციის სამინისტრო
გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.
ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე.
განცხადებები
ახალი ამბები
ახალი ამბები
მიზანი: მჭიდრო კავშირი რეალურ სექტორთან
2011 წლის 15 აპრილს გურამ თავართქილაძის სასწავლო უნივერსიტეტსა და საქართველოს დამსაქმებელთა ასოციაციას შორის ურთიერთთანამშრომლობის მემორანდუმი გაფორმდა.
მემორანდუმი ითვალისწინებს უნივერსიტეტის სტუდენტთა პრაქტიკისა და სტაჟირების საკითხების ორგანიზებასა და განხორციელებას, ასევე უნივერსიტეტის საგანმანათლებლო პროგრამების (ბაკალავრიატი, მაგისტრატურა) შემუშავებასა და განხილვაში მონაწილეობის მიღებას.
მემორანდუმის ხელმომწერი მხარეები შეთანხმდნენ სხვა მრავალ საინტერესო საკითხზეც, რაც უზრუნველყოფს მჭიდრო კავშირს თეორიასა და პრაქტიკას შორის რეალური სექტორისათვის კონკურენტუნარიანი სპეციალისტების მოსამზადებლად.
ურთიერთთანამშრომლობის ხელშეკრულებას ხელი მოაწერეს გურამ თავართქილაძის სასწავლო უნივერსიტეტის რექტორმა გიორგი მათიაშვილმა და საქართველოს დამსაქმებელთა ასოციაციის აღმასრულებელმა დირექტორმა კონსტანტინე ნანობაშვილმა.