სახელმძღვანელო ნათელ წარმოდგენას შეუქმნის ბიზნესის სფეროში დასაქმებულ პირებს.
კურსდამთავრებულები და მეგობრები
მარიამ კუტალია
საქართველოს სასჯელაღსრულების და პრობაციის სამინისტრო
გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.
ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე.
განცხადებები
ახალი ამბები
ახალი ამბები
კიდევ ერთი ახალი სახელმძღვანელო სტუდენტებისათვის
11 ნოემბერი 2013
ამ დღეებში გამოვიდა პროფესორ ლალი ჩაგელიშვილის სახელმძღვანელო „ბიზნესის ადმინისტრირება“.
წარმოდგენილი ნაშრომის მიზანია დაეხმაროს საზოგადოების თითოეულ წევრს აღნიშნული მაღალი დონის მოთხოვნილებათა დაკმაყოფილებაში. იგი ნათელ წარმოდგენას შეუქმნის ბიზნესის სფეროში დასაქმებულ პირებს ბიზნესის ადმინისტრირების ისეთ მნიშვნელოვან საკითხებზე როგორიცაა ბიზნესის ეფექტიანობა და მასზე მოქმედი ფაქტორები, ბიზნესის სტრატეგია, მარკეტინგული მართვის აუცილებლობა, ბიზნეს-გეგმის სწორად გააზრება და შედგენის ორგანიზაცია, ბაზრების მრავალსახეობა და მათზე გასვლის თავისებურებანი, ბიზნესის დაფინანსების წყაროები, ინვესტიციები და მათი ეფექტიანობის შეფასება და ა. შ.
მოიცავს სასწავლო პროგრამით გათვალისწინებულ საკითხებს, რომლებიც ანალიტიკურადაა გაშუქებული და კიდევ უფრო ნათლ წარმოდგენას შეუქმნის სტუდენტებს ბიზნესის ადმინისტრირებასთან დაკავშირებული საკითხების შესწავლაში.
სახელმძღვანელოში განხილული მცირე და საშუალო ბიზნესის ეფექტიანობის განსაზღვრის საკითხები დახმარებას გაუწევს არა მარტო სტუდენტებს, არამედ ყველა დაინტერესებულ და საქმიან პირს, რომლებსაც აქვთ საკუთარი საქმე და ზრუნავენ მის კონკურენტუნარიანობაზე.
სახელმძღვანელო გათვალისწინებულია ეკონომიკური პროფილის სტუდენტებისა და ბიზნესის სფეროს წარმომადგენლებისათვის.