ლადო ჭანტურიამ უნივერსიტეტის ბიბლიოთეკას მისი ავტორობით გამოცემული სახელმძღვანელო აჩუქა
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
განცხადებები
ახალი ამბები
ახალი ამბები
საჯარო ლექცია მომავალი იურისტებისათვის
30 მაისი 2011
2011 წლის 30 მაისს გურამ თავართქილაძის სასწავლო უნივერსიტეტს ცნობილი იურისტი, ივანე ჯავახიშვილის სახელობის თბილისის სახელმწიფო უნივერსიტეტისა და კილის უნივერსიტეტის პროფესორი ლადო ჭანტურია ეწვია. ბატონი ლადო გერმანიიდან საქართველოში სულ რამდენიმე დღით იყო ჩამოსული და უნივერსიტეტის სტუდენტებისათვის სამოქალაქო კოდექსის შესახებ საჯარო ლექცია წაიკითხა.
ლექციას უნივერსიტეტის სამართლის ფაკულტეტის პირველი და მეორე კურსის სტუდენტები და ფაკულტეტის პროფესორ-მასწავლებლები ესწრებოდნენ.
საჯარო ლექციის დაწყებამდე უნივერსიტეტის რექტორმა პროფესორმა გიორგი მათიაშვილმა ისაუბრა ლადო ჭანტურიას ბიოგრაფიაზე, მის ღვაწლსა და დამსახურებაზე სამოქალაქო სამართალის განვითარებისა და ჩამოყალიბების საქმეში. სამართლის ფაკულტეტის დეკანმა პროფესორმა შენგელი ფიცხელაურმა მადლობა გადაუხადა სტუმარს თავისუფალი დროის გამონახვისა და უნივერსიტეტში მობრძანებისათვის.
პროფესორმა ლადო ჭანტურიამ გურამ თავართქილაძის სასწავლო უნივერსიტეტის ბიბლიოთეკას საჩუქრად გადასცა მისი ავტორობით გამოცემული სახელმძღვანელო „კანონი და მართლმსაჯულება პოსტსაბჭოთა ეპოქაში“.
ლექციის შესავალ ნაწილში ბატონი ლადო შეეხო ქართულ სამართალს, სტუდენტებს აუხსნა, თუ რა განსხვავებაა კონტინენტური ევროპის სამართალსა, რომელსაც მიეკუთვნება ქართული სამართალი, და ინგლისურ-ამერიკულ სამართალს შორის.
ლექციის დროს მიმოიხილა რომის სამართლის მნიშვნელობა, ისაუბრა კანონის აუცილებლობასა და კანონშემოქმედებაზე.
ლექციის ბოლოს განიხილა ქართული სამოქალაქო კოდექსი და ისაუბრა იმ ცვლილებებზე, რომელიც კოდექსში იქნა შეტანილი.
საჯარო ლექციის დასრულების შემდეგ შეხვედრა კითხვა-პასუხის რეჟიმში გაგრძელდა.