კურსდამთავრებულები და მეგობრები

ნოდარ ჯავახიშვილი

ნოდარ ჯავახიშვილი

ფარმსახლი,  კომერციული დირექტორი

 

2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.

ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.

გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე  მარკეტინგის ფაკულტეტი.

მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.

GTUNI   ის ადგილია, სადაც ყველა საშუალება გეძლევა, მიაღწიო დასახულ მიზანს.

გირჩევთ,  ბოლომდე იბრძოლოთ საკუთარი მიზნის მისაღწევად და ღირსეულად ატაროთ  ამ უნივერსიტეტის  სახელი.

ახალი ამბები

სახელმძღვანელო მომავალი ჟურნალისტებისათვის

25 ნოემბერი 2013
გამოვიდა სახელმძღვანელო მომავალი ჟურნალისტებისათვის.

იდეის ავტორები არიან მარინე ვეკუა და ჟილ რუე.

სახელმძღვანელო შექმნილია ცხრა უმაღლესი სასწავლებლის ცამეტი პროფესორის, მათ შორის ერთი ფრანგი პროფესორის, ავტორობით, შედგება თერთმეტი თავისაგან და სამას გვერდზე მეტს ითვლის.

სახელმძღვანელოს შექმნისა და გამოცემის იდეა სწორედ თანამედროვე სასწავლო მასალის ქართულ ენაზე არსებობით იყო ნაკარნახევი.
ჟურნალისტის პროფესია "ღია პროფესიად" მიიჩნევა და ნებისმიერი სპეციალობის ადამიანს აქვს ამ სფეროში თავის დამკვიდრების შანსი, რაც თავისთავად ქმნის ამ დარგის სიმარტივის ილუზიას. ქართულ-ფრანგული ერთობლივი პროექტის - "ჟურნალისტიკის" მხოლოდ სარჩევის გაცნობაც საკმარისია ამ ილუზიის გასაფანტავად.

"პროექტი მოიცავს ჟურნალიზმის ყველა მნიშვნელოვან საკითხს, რომელიც კი წამოჭრილა დაფუძნებიდან მოყოლებული მისი განვითარების ყველა საფეხურზე", - აღნიშნავს ფრანგი პროფესორი ტერი კომი წიგნისთვის დართულ რეცენზიაში, - "ამ წიგნის მიზანია შეაძლებინოს სტუდენტს ჩაწვდეს თვისი პროფესიის ევოლუციას საქართველოს განსაკუთრებულ კონტექსტში".

"დაბეჯითებით შემიძლია განვაცხადო, რომ ამგვარი წიგნი სანატრელი ჰქონდა ჟურნალისტიკას დაწაფებულ სტუდენტთა არაერთ თაობას. ჯერ იყო და, რუსულიდან გადმოქართულებული, რუსული მაგალითებით გაძეძგილი სახელმძღვანელოებით გვასწავლიდნენ ქართულ ჟურნალისტიკას, მერეა და, რუსულ სახელმძღვანელოებს დასავლური ჩაენაცვლა და ახლა ამათი გაქართულებული თუ ორიგინალური ვერსიებით გაივსო ჟურნალისტიკის სილაბუსები" - წერს ჟურნალისტი და მკვლევარი პაატა ნაცვლიშვილი წიგნის წინასიტყვაობაში და მას "მრავლისმომცველ", "ქართული რეალიების გათვალისწინებით" შექმნილ პირველ ჟურნალისტურ სახელმძღვანელოს უწოდებს.

წიგნს არ ახლავს ტრადიციული ანოტაცია - ვისთვის არის იგი განკუთვნილი, თუმცა, ამ უკმარისობას ავსებს პაატა ნაცვლიშვილის წინასიტყვაობა: "ამ სახელმძღვანელოს არა აქვს კონკრეტული მისამართი, თუ რომელ უნივერსიტეტში, რომელ ფაკულტეტზე, რომელ კურსზე, რომელი დისციპლინის სწავლებისას უნდა იქნას იგი გამოყენებული. ამ მხრივ ის საკმაოდ მოქნილია – პირველკურსელსაც გამოადგება და მეოთხეკურსელსაც, მაგისტრატურის სტუდენტებისთვისაც სასარგებლოა და „მოქალაქე ჟურნალისტებისთვისაც“, ჟურნალისტიკაზე მეოცნებე აბიტურიენტებისთვისაც და სხვადასხვა დარგის სპეციალისტებისთვისაც, ვისაც ჟურნალისტობა მეორე პროფესიად აურჩევიათ".

"გლობალიზაციის პირობებში პრესის თავისუფლება ლოკალურ დონეზე მიიღწევა მაშინ, როდესაც შესაძლებელი ხდება შენს გაზეთში აკრიტიკო შენი გაზეთი, შენს ტელემაუწყებლობაში - შენი არხი... გლობალიზაცია ჩვენგან მოითხოვს ყოველდღიურ ბრძოლას ციფრულ მომავალში ჰუმანისტურ ღირებულებათა მხარდასაჭერად".

ამ წამძღვარებით "ჟურნალისტიკის" ავტორებმა ერთ მოკლე აბზაცში მოაქციეს ის მთავარი სათქმელი, რასაც ჩვეულებისამებრ წინასიტყვაობაში ამბობენ წიგნის არსისა და დანიშნულების თაობაზე. საქართველოს მედიასივრცეში ამგვარი ვითარება ჯერ მხოლოდ სასურველი რეალობაა, რომლის მისაღწევად, ბევრ სხვა ობიექტურ ფაქტორთან ერთად, ერთ-ერთი მთავარია ფუნდამენტური ჟურნალისტური განათლება და პროფესიონალიზმი.

წიგნის პრეზენტაცია შედგება 2013 წლის 29 ნოემბერს, 15:00 საათზე გურამ თავართქილაძის სასწავლო უნივერსიტეტის სააქტო დარბაზში.

სხვა ამბები »