დღეს გურამ თავართქილაძის სასწავლო უნივერსიტეტში კლუბ „რეპორტიორის“ მოწვევით კინორეჟისორი ზაზა ორაშვილი იმყოფებოდა.
კინორეჟისორთან შეხვედრა სასწავლო ფორმატის ფარგლებში შედგა და, შესაბამისად, მასტერკლასს სოციალურ მეცნიერებათა ფაკულტეტის ჟურნალისტიკის სპეციალობის სტუდენტები ესწრებოდნენ.
სტუმარმა ვრცლად ისაუბრა მუსიკალური ვიდეო და სარეკლამო რგოლების გადაღების სპეციფიკაზე, თანამედროვე ტენდენციებსა თუ ამ სფეროსათვის დამახასიათებელ მიდგომებსა და ნიუანსებზე. სტუდენტებს, სასწავლო ფორმატის ფარგლებში, აჩვენა ბოლო პერიოდში გადაღებული მუსიკალური ვიდეო თუ სარეკლამო რგოლები და ისაუბრა მათი შექმნის ისტორიასა და მუშაობის პროცესზე.
შემდეგ ზაზა ორაშვილმა უპასუხა სტუდენტების მიერ დასმულ კითხვებს და მათთან ერთად სამახსოვო ფოტოებიც გადაიღო.