კურსდამთავრებულები და მეგობრები

მერაბ გაბუნია

მერაბ გაბუნია

შპს "პარკ ჰოტელი'' - დირექტორი


დავამთავრე თბილისის ეკონომიკიურ ურთიერთობათა სახელმწიფო უნივერსიტეტი, ბიზნესისა და მართვის ფაკულტეტი, სადაც გავიარე ოთხ წლიანი პროფესიული კურსი, რამაც მომცა უდიდესი ცოდნა და სურვილი გამეგრძელებინა სწავლა, გურამ თავართქილაძის სასწავლო უნივერსიტეტის მაგისტრატურაში.

სამაგისტრო პროგრამის სწავლებისას, გავიარე ფინანსებისა და საბანკო საქმის კურსი, მივიღე მაგისტრის ხარისხი. აქ მიღებული განათლება და გამოცდილება წარმატებულად გამოვიყენე კარიერულ ცხოვრებაში. მინდა მადლობა გადავუხადო ბატონ გურამ თავართქილაძეს და პროფესორ მასწავლებლებს რომ მომეცა საშუალება მესწავლა ერთ-ერთ საუკეთესო უნივერსიტეტში და მინდა ვუსურვო ამჟამინდელ და მომავალ სტუდენტებს შეინარჩუნონ უნივერსიტეტის ტრადიციები და მიაღწიონ დასახულ მიზანს, წარმატებას!

ახალი ამბები

სერტიფიკატი - დამთვალიერებლებთან ეფექტური კომუნიკაციისათვის

17 თებერვალი 2014
2014 წლის 14-15 თებერვალს „ექსპო ჯორჯიას“ საგამოფენო დარბაზი უმაღლესი და პროფესიული განათლების, საზღვარგარეთ სწავლისა და სტუდენტური სერვისების განათლების მეოთხე საერთაშორისო გამოფენის მონაწილეებს მასპინძლობდა.
საერთაშორისო გამოფენაში ოთხმოცზე მეტმა უმაღლესმა სასწავლებელმა მიიღო მონაწილეობა.
მიმდინარე წელს გურამ თავართქილაძის სასწავლო უნივერსიტეტმა მეოთხეჯერ მიიღო მონაწილეობა ასეთი რანგის საერთაშორისო ფორუმში და გამოფენის დამთვალიერებლებს უმაღლეს სასწავლებელში მიმდინარე სიახლეები შესთავაზა.
კერძოდ: ტრადიციული სპეციალობების გარდა, წელს აბიტურიენტებს ბაკალავრიატის საფეხურზე სოციალურ მეცნიერებათა ფაკულტეტზე ფსიქოლოგიის სპეციალობის განხრით შეეძლებათ ჩაბარება, ხოლო მაგისტრატურის საფეხურზე - ინგლისელ კოლეგებთან ერთობლივად შემუშავებულ საერთაშორისო ბიზნესის ადმინისტრირების პროგრამას სთავაზობს.

საერთაშორისო ფორუმის დასასრულს გურამ თავართქილაძის სასწავლო უნივერსიტეტის წარმომადგენლებს გამოფენის დამთვალიერებლებთან ეფექტური ურთიერთობებისათვის სერტიფიკატი გადაეცათ.
სხვა ამბები »