კურსდამთავრებულები და მეგობრები

მერაბ გაბუნია
შპს "პარკ ჰოტელი'' - დირექტორი
დავამთავრე თბილისის ეკონომიკიურ ურთიერთობათა სახელმწიფო უნივერსიტეტი, ბიზნესისა და მართვის ფაკულტეტი, სადაც გავიარე ოთხ წლიანი პროფესიული კურსი, რამაც მომცა უდიდესი ცოდნა და სურვილი გამეგრძელებინა სწავლა, გურამ თავართქილაძის სასწავლო უნივერსიტეტის მაგისტრატურაში.
სამაგისტრო პროგრამის სწავლებისას, გავიარე ფინანსებისა და საბანკო საქმის კურსი, მივიღე მაგისტრის ხარისხი. აქ მიღებული განათლება და გამოცდილება წარმატებულად გამოვიყენე კარიერულ ცხოვრებაში. მინდა მადლობა გადავუხადო ბატონ გურამ თავართქილაძეს და პროფესორ მასწავლებლებს რომ მომეცა საშუალება მესწავლა ერთ-ერთ საუკეთესო უნივერსიტეტში და მინდა ვუსურვო ამჟამინდელ და მომავალ სტუდენტებს შეინარჩუნონ უნივერსიტეტის ტრადიციები და მიაღწიონ დასახულ მიზანს, წარმატებას!
განცხადებები
ახალი ამბები
ახალი ამბები
სტუდენტური პირველობა მინი ფეხბურთში
ს.ს. „ქართული ფოლადის“ ორგანიზებით საქართველოს უმაღლესი სასწავლებლებს შორის მინი ფეხბურთში სტუდენტური პირველობა ტარდება.
ტურნირის მიზანია: სტუდენტური ფეხბურთის განვითარება და პოპულარიზაცია; ცხოვრების ჯანსაღი წესის დანერგვა - ჯანმრთელი თაობის აღზრდა და ნიჭიერი ფეხბურთელების გამოვლენა და წახალისება.
ტურნირში ათი უმაღლესი სასწავლებლის საფეხბურთო გუნდი მონაწილეობს და დაყოფილნი არიან ორ ჯგუფად. თითოეული ჯგუფიდან, ნახევარფინალში, ორ-ორი გუნდი გადის და საპრიზო ადგილებისათვის ბრძოლაშიც ისინი შეეცილებიან ერთმანეთს.
გურამ თავართქილაძის სასწავლო უნივერსიტეტის საფეხბურთო გუნდი „B“ ჯგუფში მოხვდა. მისი მეტოქეები არიან კავკასიის, გრიგოლ რობაქიძის სახელობის, საქართველოს ტექნიკური და ივანე ჯავახიშვილის სახელობის თბილისის სახელმწიფო უნივერსიტეტების საფეხბურთო გუნდები.
პირველი შეხვედრა, რომელიც 2011 წლის 2 მაისს გთსუ-ის საფეხბურთო გუნდმა საქართველოს ტექნიკური უნივერსიტეტის საფეხბურთო გუნდთან გამართა და დამარცხდა ანგარიშით 2:4; მეორე შეხვედრა კავკასიის უნივერსიტეტის თანატოლებთან გთსუ-ის საფეხბურთო გუნდის წევრებისათვის წარმატებული აღმოჩნდა და მატჩი მათი გამარჯვებით 2:1 დასრულდა.
2011 წლის 29 მაისს ნახევარფინალური მატჩები გაიმართება.