მწერალმა ისაუბრა ყველა იმ თემის შესახებ, რომელიც აწუხებს დღევანდელ ახალგაზრდობას.
კურსდამთავრებულები და მეგობრები
მარიამ კუტალია
საქართველოს სასჯელაღსრულების და პრობაციის სამინისტრო
გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.
ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე.
განცხადებები
ახალი ამბები
ახალი ამბები
შეხვედრა მწერალ დათო ტურაშვილთან
28 დეკემბერი 2011
2011 წლის 28 დეკემბერს მწერალი დათო ტურაშვილი გურამ თავართქილაძის სასწავლო უნივერსიტეტის სტუდენტებს შეხვდა.
შეხვედრა, ტრადიციისამებრ, უნივერსიტეტის რექტორმა, პროფესორმა გიორგი მათიაშვილმა გახსნა.
პროფესორმა რევაზ ბალანჩივაძემ ისაუბრა დათო ტურაშვილზე როგორც მრავალმხრივ, ნიჭიერ შემოქმედზე, თქვა, რომ არის შესანიშნავი სცენარისტი, პუბლიცისტი და მადლობა გადაუხადა მწერალს სტუმრობისათვის.
შეხვედრა კითხვა–პასუხის რეჟიმში გაგრძელდა.
დათო ტურაშვილმა ისაუბრა თავის ამერიკულ შთაბეჭდილებებზე, სადაც ის, როგორც მწერალი, ასი დღით იყო მიწვეული.
სტუდენტები დაინტერესდნენ მისეული „დონ კიხოტის“ მხატვრული სახისა და ხასიათის განმარტებით. სერვანტესის რთული ენა მწერალმა ბავშვებისთვის გასაგებ, მარტივ ენაზე თარგმნა.
რაც შეეხება „ჯინსების თაობას“, ეს ის წიგნია, რომელმაც მწერალს პოპულარობა მოუტანა და ყველაზე მეტი კითხვა სწორედ ამ წიგნის, მისი შექმნის ისტორიის, მწერლის ხედვისა და ზოგადად საზოგადოების მიერ მომხდარი ფაქტის აღქმისა და შეფასების ჭრილში დაისვა
იყო შეკითხვები მისი სტუდენტობის წლების, ოჯახის, ქართული ტრადიციების, განათლების სისტემაში გატარებული რეფორმებისა და ყველა იმ თემის შესახებ, რომელიც აწუხებს დღევანდელ ახალგაზრდობას.
მწერალმა ყველა კითხვას ამომწურავი პასუხი გასცა.