2013 წლის 24 სექტემბერს გურამ თავართქილაძის სასწავლო უნივერსიტეტში ნიკო ნიკოლაძის დაბადებიდან 170 წლისთავისადმი მიძღვნილი საერთშორისო სამეცნიერო კონფერენცია გაიხსნა.

კონფერენცია შესავალი სიტყვით გახსნა გურამ თავართქილაძის სასწავლო უნივერსიტეტის რექტორმა, პროფესორმა გიორგი მათიაშვილმა.

პლენარულ სხდომაზე მისასალმებელი სიტყვით გამოვიდნენ და ნიკო ნიკოლაძის მოღვაწეობისა და ღვაწლის შესახებ ისაუბრეს პროფესორმა დალი ჩიკვილაძემ და ნიკო ნიკოლაზის სახლმუზეუმის დირექტორმა ლია ბიბილეიშვილმა.

კონფერენციაზე ოთხი სექცია იყო წარმოდგენილი: ჟურნალისტიკა, სამართალი, ეკონომიკა და ბიზნესი, საზოგადოებრივი მეცნიერებები.

სამეცნიერო კონფერენციის ფარგლებში მოეწყო საერთაშორისო სამეცნიერო კონფერენციის შრომათა კრებულის პრეზენტაცია, ხოლო უნივერსიტეტის ფოიეში - ნიკო ნიკოლაძის ცხოვრებისა და მოღვაწეობის ამსახველი ფოტოგამოფენა.

25 სექტემბერს კონფერენციის მონაწილეები ქალაქ ქუთაისში, აკაკი წერეთლის სახელმწიფო უნივერსიტეტში ქუთაისის საზოგადოებას შეხვდებიან.

სამეცნიერო კონფერენციის დახურვა ნიკო ნიკოლაძის სახლმუზეუმში (დიდი ჯიხაიში) შედგება.