გურამ თავართქილაძის სახელობის თბილისის სასწავლო უნივერსიტეტსა და ტურიბას უნივერსიტეტს (რიგა, ლატვია) შორის ურთიერთთანამშრომლობის მემორანდუმი გაფორმდა.
მემორანდუმი ითვალისწინებს სასწავლო და კვლევითი მიმართულებით თანამშრომლობას.
მემორანდუმის ფარგლებში შესაძლებელი იქნება სტუდენტთა და პროფესორ-მასწავლებელთა გაცვლა; ერთობლივი საერთაშორისო კონფერენციების, სემინარებისა და სიმპოზიუმების როგორც ორგანიზება, ასევე ამ სამეცნიერო ფორუმებში მონაწილეობის მიღება; ერთმანეთისათვის ტექნიკური დახმარების გაწევა და სხვა.